彭德懷受命率師進入朝鮮前前後後

1950年10月4日上午10時左右,一架蘇製伊爾14專機由北京飛來降落在古都西安機場,機上有中央辦公廳警衛處派來兩個人。 呢兩個人一落機就立即乘汽車直奔「西北軍政委員會」辦公大樓,當佢地來到彭德懷辦公室時,見到彭德懷正在埋頭審閱有關西北地區三年經濟恢復計劃,以備在國慶節後將計劃方案向中央匯報。 彭德懷時任中共中央政治局委員、中央軍委副主席兼中共中央西北局第一書記、西北軍政委員會主席、西北軍區司令員等職,,乃係西北一方諸侯也!

陳獨秀被國民黨判決坐監前前後後

1932年10月15日晚7時許,上海法租界巡捕房華洋捕員在岳州路永興里11號樓上,拉左一名患胃病臥床中年男子,並在佢居住房間內,查抄出各種文件及中、英、俄、日文書籍幾大箱。 究竟呢位中年男子係何方聖神,要驚動上海法租界巡捕房將佢捉拿? 佢就係中國共產黨創始人之一陳獨秀是也!

二二八起義七十周年前夕,台北出現五星紅旗!

好多人會覺得奇怪,二二八呢鑊明明係台獨分子搞出來,與共惨黨何關? 但係根據歷史事實,二二八原來係與台獨無關,反爲台灣共黨在呢鑊嘢當中起極大作用也! 大家都係俾台獨分子宣傳所欺騙矣! 查實二二八事件期間,台獨根本就唔存在也! 相反,二二八真正用武裝起義形式對抗刮民黨軍鎮壓係共惨黨也! 歷史真相係台共領導人謝雪紅在台中組織二七部隊,與刮民黨軍血戰連場,此所以呢次台北紀念二二八起義會場出現謝雪紅照片也!

中華民國南京臨時政府始末

1911年10月10日武昌起義爆發後,革命烽火迅速蔓延,在全國二十二個行省當中,到11月27日,先後有十五個行省及上海宣布獨立,而尚在清廷統治下,就得直隸(河北)、山東、河南、甘肅,新疆及東北三省而已。 各獨立省分別成立軍政府或都督府,都督為一省嘅最高軍政首腦,一般應該係一省一督,但係革命居然鬧出雙胞胎甚至三胞胎。 例如江西是先後有九江及南昌起義,就產生左九江都督及南昌都督,四川則有四川都督(駐成都)及蜀軍都督(駐重慶)。 在江蘇省就出現蘇軍都督、鎮江都督及江北都督,一省而有三督,可見革命情況之混亂矣!

臨潼華清池捉蔣記

1936年12月11日中午剛過,駐守在甘肅平涼東北軍第105師2旅少將旅長唐君堯,突然收到由西安發來註明「限即刻到」急電。 呢封急電內容得五個字:「機到即來 良」! 就在唐君堯睇緊呢封急電之際,一架由張學良派出嘅波音座機已經飛抵平涼上空,唐君堯知道肯定係有大鑊嘢要發生,佢唔敢延誤,即刻登上剛剛到達座機直飛西安。 下午5點幾,唐君堯所乘座機飛抵西安機場,佢一落機就見到佢上司即係第105師師長劉多荃來迎接佢。

中華民國元首張作霖大元帥遇難記

1928年6月4日早晨5時23分,離瀋陽幾公里處皇姑屯車站附近突然爆發一聲巨響,一列行駛該處火車遭到炸彈恐怖襲擊。 此鑊嘢共計死亡20人,受傷53人,死亡者當中有個顯要人物,亦係呢次恐怖襲擊目標,佢就係中華民國海陸軍大元帥張作霖是也! 何以身為國家元首嘅張大帥會成為恐怖襲擊之犧牲者?究竟係何方神聖搞呢單大鑊嘢?依家且待老夫慢慢道來!

1927年周恩來在香港養病經過

1927年10月,身在香港中共廣東省地下黨員范桂霞接到上級命令,要佢接受一項特殊任務,就係要接待黨中央嘅「老周」,上級並強調呢個接待任務非常重要,范桂霞唔知道「老周」究竟係乜水,既然上級有命,就只好點頭答應。 范桂霞當時係個未出嫁廿二歲廣東妹,本來佢係二十年代廣州工運活躍分子、紡織女工、中山大學附師學生,先後加入廣東新學生社、廣東婦女解放協會及共青團,後轉為中共黨員。 1927年,蔣介石發動四一二清黨運動,大殺共黨,廣州刮民黨亦跟住發動四一五清黨,四圍追捕及槍斃共產黨員,范桂霞隻身走來香港避難。

遵義會議關鍵一票

1973年8月24日至28日,中國共產黨第十次全國代表大會在北京召開,呢個係大陸文革十年期間內第二次召開大會,係屬於比較唔正常一次會議。 大會除左要選新中央政治局成員外,仲要選出新一屆中央委員,在候選名單內赫然出現「王稼祥」呢個名,唔少出席會議者頗感意外,點解? 因為王稼祥在文革期間遭到極為嚴厲批判,被指係走資派嘅首犯,原因係在1962年時任中央書記處書記及中聯部部長嘅王稼祥,寫左封有關中共外交政策建議信。

葉劍英、周恩來由白區進入中央蘇區經過

1930年秋,中共廣東省委交通員、梅州大埔交通站站長廣東客家佬盧偉良突然接到上級命令,要佢即刻趕去香港執行一項命令,就係要將躲藏在香港嘅葉劍英護送來中央蘇區。 點解呢個時候葉劍英會在香港?說來話長,話說1927年底,葉劍英參與廣州起義失敗,遭到刮民黨懸賞十萬銀元通緝,葉劍英就逃亡到蘇聯,並接受蘇聯軍校訓練。 1930年秋葉劍英結束蘇聯軍事訓練課程,即啟程回國,但係佢既然係刮民黨通緝犯,當然唔能夠正式入境,唯有先到香港,等待時機進入江西中央蘇區。