一條被遺忘嘅戰時公路--滇緬公路!

一條被遺忘嘅戰時公路--滇緬公路!

圖片顯示滇緬公路最驚險處:廿四道拐彎!

呢條戰略公路係建於中國抗日戰爭後期,由米國佬出技術及物資中國出人力合作建成,目的係為打通印度緬甸通往中國西南大後方,被稱為中國抗戰生命線。

通路後有數以萬噸計物資由印度運往雲南及貴州。

好多人以為廿四道拐彎係位於雲南,現證實係位於貴州,因為滇緬公路分開兩支,一支通往雲南,另一支則通往貴州。

由於呢條路大部分通過雄山峻嶺,非常險要,建造工程極為艱鉅,能否建成,抗戰最高統帥部冇乜太大信心。

一九四四年呢條滇緬印公路終於建成通車,成為公路建造史上一項奇蹟也!

為紀念犧牲於建造呢條公路嘅工人,蔣中正委員長在公路旁特刻石碑。

在正式通車當日,中國國民政府宣布命名此公路為史迪威公路,此後史迪威公路呢個名就取代左滇緬印公路。

史迪威將軍係中國戰區總參謀長,佢在廿世紀初即被米國派駐中國,居華多年,精通華語,係米國軍方唯一中國通。

史迪威以總參謀長之尊,親率中米聯軍在緬甸北部與架軍揮過,最後打通滇緬呢條生命線。

中國當時第一支米式裝備國軍新一軍,就係由史迪威親自指導訓練,佢對於華軍士兵對鞋是否有破損都要仔細觀察。

史迪威脫帽向傷殘中國官兵致敬。

史迪威初任中國戰區總參謀長,與蔣氏夫婦關係幾好。

史迪威代表米國政府向老蔣頒贈勳章。

史迪威與新一軍孫立人關係最好,因為孫立人留米,係國軍將領中少數精通鷹門者。

但係後來史迪威與老蔣鬧翻,兩人勢成水火,老蔣怒炒史迪威,羅斯福唔想得罪亞洲唯一盟友中國,唯有將老史調回米國。

滇緬印公路通車時,史迪威已經被炒,但係老蔣為表示氣量,特下令將此路命名為史迪威公路。

七十年後,呢條史迪威公路已經並非一條重要公路,目前主要係供中外旅客觀光之用也!

專門運載旅客參觀史迪威公路小巴等緊客。

公路起點正在建造一個接待遊客處,外面有個米軍與中國建路工人塑像。

座塑像係根據戰時一幅著名照片造成:一個米軍為中國工人點煙。

在滇緬印公路未打通前,米國援華物資主要係由米軍運輸機運載從印度飛越喜馬拉雅山上空到中國大後方。

呢條被稱為“駝峰”空中航線非常驚險,失事率極高,前後墜毀及失踪接近六百架飛機,犧牲人數達一千六百人!

近年時不時會在西藏及四川尋獲當年飛越駝峰失事犧牲米國官兵遺骸,由中國政府移交俾米國政府。

史迪威為乜同老蔣最後搞到火星撞地球,兩個人一見面就嘈到拆天?

先係史迪威認為自己係中國戰區總參謀長,應該掌握調配中國軍隊之權力,呢點犯左老蔣大忌也!

跟住史迪威又認為佢應該擁有米國援華物資調配權,其中部分物資有必要調配俾與架頭打生打死嘅中共八路軍,呢樣嘢更加係犯老蔣另一個大忌也!

史迪威非常睇唔起老蔣,背後鬧佢係花生米!

史迪威同老蔣向羅斯福告狀,最初羅斯福係傾向於支持自己米國人史迪威,親自寫信要老蔣將軍權交俾史迪威!

老蔣豈會輕易交出軍權?佢大發爛渣,話如果唔炒史迪威,佢會退出中米反日聯盟,單獨與架頭講和,羅斯福最後唯有將史迪威調回米國矣!