中共遭到五次核彈攻擊威脅始末

中共遭到五次核彈攻擊威脅始末

中共係遭到核彈攻擊威脅次數最多嘅政權,其經過且待老夫慢慢道來!

1950年6月25日,朝鮮戰爭爆發,北韓軍節節得勝,到7月下旬,戰場局勢對米國佬極為不利,北韓軍已經將米軍趕至周長得90英里釜山一帶,米國佬隨時有被逐出朝鮮半島可能!

在此危急存亡關頭,米國空軍參謀長范登堡與陸軍參謀長柯林斯將軍在東京問麥克亞瑟,如果中國軍隊參戰,佢將如何切斷中國軍隊補給通道,麥克亞瑟毫不含糊咁回答話:「只有使用原子彈,先至可以將中國軍隊困在北朝鮮!」

麥克亞瑟不可一世

麥克亞瑟只屬於個人意見,仲未係代表國家立場,7月30日,米國總統杜魯門聽從國防部長詹森建議,下令派遣10架裝有核彈部件之 B-29轟炸機部署到關島,呢個係米國二次大戰後首次在太平洋預先儲備核潛力。

米國此舉當然係旨在阻嚇中國不得介入朝鮮戰爭,國務卿艾奇遜仲專登將消息透露俾《紐約時報》一名記者。於是,第二日報紙就將呢個消息在全世界廣泛傳播開來。

米國國務卿艾奇遜

係核恐嚇並冇阻止到中共積極備戰,原在河南整休之第四野戰軍中最精銳部隊被急調到東北,並組建成東北邊防軍,準備隨時入朝作戰。

9月份,朝鮮戰局起大變化,麥克亞瑟率領米軍在仁川登陸,將北韓軍攔腰截斷,依家變成米軍節節得勝,甚且唔顧周恩來再三警告,麥克亞瑟下令米軍越過三八線,繼續向北推進。

麥克亞瑟指揮仁川登陸

1950年10月19日,中共志願軍廿五萬人,躲過米軍嚴密監視,度過鴨綠江,一舉將米國第八集團軍擊潰,呢次再輪到米軍節節敗退,一直退回到三八線。

11月20日,米國五角大樓軍事參謀雲集,秘密討論呢個時候是否必須動用核子武器來對付中國。

但係在五角大樓尚未就是否對中國使用原子彈達成共識之前,總統杜魯門在11月30日記者會上卻先爆響口!

有記者問杜魯門是否包括使用原子彈。杜魯門答:「包括我地擁有之任何武器。」記者跟住問:「你所講『我地擁有之任何武器』,是否意味著正在積極地考慮使用原子彈?」杜魯門答:「我地一直在積極考慮使用原子彈。」

杜魯門最後講左句更驚人說話,佢話戰場指揮官(指麥克阿瑟)將負責對核武器嘅使用!大家知道麥克阿瑟想用原子彈想到發癲,佢獲得授權可以使用原子彈,咁就百分之百肯定會用喇!

呢段答話俾傳媒大肆報導,講成係米國政府已經「決定」對中國使用原子彈,呢單新聞仲未嚇到中共,就先將西方各國嚇破膽!

倫敦、巴黎、羅馬、維也納各大報紙紛紛譴責米國佬試圖擴大戰爭,並對事先未與盟國協商就做出如此重大決定表示強烈不滿。

我地祖家大英帝國最為驚青,自從蘇聯擁有原子彈之後,英國佬就一直擔心駐有米國B-29轟炸機部隊嘅英國領土將成為未來蘇聯核攻擊目標。在倫敦,大約100名工党議員聯名向首相艾德禮致信,反對米國佬在任何情況下使用核武器。

艾德禮不請自到,匆匆於1950年12月4日趕赴華盛頓同杜魯門進行會晤。臨行前,艾德禮仲與訪法國總理交換意見,雙方一致同意:應當阻止美國將戰爭擴大到中國。

大英首相艾德禮

在各方壓力下,最後,杜魯門被迫正式聲明「不使用原子彈」,輿論先至大體上平靜落來。

不過,12月初,杜魯門依然下令將分解核彈部件空運至遠東,儲存在美國一艘航空母艦上,以防不測。

1951年春,中共志願軍發動春季攻勢,杜魯門下令向關島地區緊急運送核部件,9架B-29轟炸機受命飛越太平洋,接著米軍舉行左一次公開核戰演習。一時間,核戰爭烏雲密佈朝鮮三千里江山。

派往關島、繼而飛至沖繩島9架B-29轟炸機真係攜載左核彈頭,4月末,在志願軍發起又一輪地面攻勢後,杜魯門再一次批准將載有核彈飛機派往戰區。

麥克亞瑟繼任者李奇微將軍接到白宮一道指令,授權佢針對來自朝鮮半島以外空襲進行核報復。局勢最緊張時刻,B-29轟炸機組已經將準備投彈記入飛行日誌。6月初,米軍偵察機超出以往飛行範圍,侵入中國東北及山東上空,收集關於空襲目標情報。

李奇微將軍

但係杜魯門呢次核威脅,對志願軍並冇產生乜嘢影響,朝鮮戰場上地面戰鬥依然照常進行。

面對天不怕地不怕嘅中共,核威脅唔起作用,同咁樣對手打交道,杜魯門機關算盡,依然係一籌莫展。1951年6月末,B-29轟炸機及所載運核武器,又悄無聲息咁撤番米國矣!

杜魯門棚尾拉箱

 1953年1月,米國換新總統艾森豪威爾上台,與此同時,在新墨西哥州核子試驗場,一種適於大口徑火炮發射原子彈第一次爆炸成功,咁就意味核武器既可用於戰略目的,又可用於戰術目的。

米國原子炮研製成功

1953年2月11日,在米國國家安全委員會一次秘密會議上,米國參謀聯席聯會主席布萊德雷將軍話,在三八線附近開城地區28平方公里範圍內,集結有大量中朝軍隊和軍用物資。

布萊德雷將軍

於是,艾森豪威爾總統開始考慮在開城地區使用戰術原子彈,佢甚至在國家安全委員會會議上親自參與選定左攻擊目標。

但係 1953年3月初,斯大林去世,美蘇之間緊張關係有所鬆動。3月30日,中國宣佈有條件地接受雙方自願遣返戰俘原則。米國再次坐低與中朝兩國進行談判,最後達成板門店停戰協議。

所謂使用原子彈戰術武器計劃,米國佬就此束之高閣矣!

正如杜魯門時期米國國務卿艾奇遜所講,杜魯門關於使用核武器嘅言談「把盟友嚇得半死,對敵人卻未起作用」。

毛澤東一早就睇穿原子彈只不過係米國佬用來嚇唬人嘅一隻「紙老虎」!佢曾經對金日成就原子彈問題咁樣講過:「米國佬話要使用核武器係一種恫嚇,係一種赤裸裸核訛詐! 如果米國佬真係要使用核武器,咁杜魯門並冇義務事先通知對方,讓對方先做準備!」

毛澤東與金日成

講完中共遭到第一次核戰威脅後,就要繼續講第二次。

1955年1月,中國人民解放軍海陸空三軍首次聯合作戰,一舉解放左浙江沿海一江山島,是為第一次台灣海峽危機也!

共軍攻占一江山島

1月25日及28日,米國參眾兩院通過授權總統使用武裝力量協防臺灣有關地區之《福摩薩決議案》。隨後,米國集結左由航空母艦、巡洋艦及驅逐艦總計40餘艘進入台海。

2月12日,在米國第7艦隊保護下,浙江外海大陳、漁山、披山等島嶼國民黨軍隊2.5萬餘人,及被擄走1.5萬餘居民全部撤至臺灣。13日,中國人民解放軍進駐大陳、漁山、披山等島嶼。

國民黨軍由大陳島撤退

國民黨及米國佬均判斷中共極可能將福建沿海島嶼馬祖及金門列入下一個攻佔目標!

3月6日,米國國務卿杜勒斯提出,如果中共將國民黨軍隊從金門及馬祖消滅,其結局對臺灣及亞洲其它地方都將係災難性!

米國國務卿杜勒斯

佢對艾森豪報告話:在目前情況下,我地應協防呢個沿岸地區。咁就需要使用核導彈。如果唔使用核導彈,想要摧毀中共空軍基地及火炮陣地係唔切實際者也!

3月16日,艾森豪在一次新聞發佈會上宣稱,如果遠東發生戰爭,米國「當然會使用某D小型戰術原子武器」。米國「搵唔到到任何理由唔使用核武器」!此言一出,立刻引起了輿論界轟動。

艾森豪威爾總統

米國呢次赤裸裸咁炫耀「實力」政策,又再次引起了世界上好多國家不安,英國佬更加係十分緊張,首相邱吉爾聲明:英國「唔會將以沿海島嶼控制在蔣介石手中為目的之戰爭看作係防禦戰爭」,因為呢個行動可能會遭遇十分不幸反應,而無補於軍事優勢。

大英首相邱吉爾

印度總統尼赫魯則認為米國佬做法,係「加重左世界上之恐懼病。」

一個月時間,米國佬就被迫放棄對中國大陸實行核打擊嘅打算,開始轉而說服蔣介石自動撤出金門及馬祖,固守臺灣。但係碰到「其介如石」老蔣,米國佬講唔掂國民黨放棄金門馬祖,使到米國佬十分頭赤也!

「其介如石」

而面對米國再次核威脅及核訛詐,毛澤東表示:我國有6億人口,有960萬平方公里土地。米國佬果D原子彈,消滅唔晒中國人!

雖然係咁,由於中共即將派周恩來到印尼出席亞非萬隆會議,唔想同米國佬關係搞得太緊張,周恩來就在萬隆會議上發表以下談話:「中國人民對米國人民係友好嘅。」「中國人民唔要同米國打仗。中國政府願意同米國政府坐下來談判,討論及緩和遠東緊張局勢嘅問題,特別係臺灣地區緊張局勢問題。」

周恩來在萬隆會議上

跟住杜勒斯表示,米國將與北京就停火舉行會談,解放軍對金門及馬祖炮擊立即減少。7月25日,中米兩國分別發表將於8月1日開始在日內瓦舉行大使級談判新聞公報,標誌著第一次台海危機正式告一段落。

接住落來,就要講到第三次對中共之核戰威脅。

1958年8月23日晚6時30分,中國人民解放軍以猛烈炮火轟擊大、小金門等島嶼,兩小時內向金門密集發射炮彈4.5萬枚。金門除防衛部三名副司令當場喪命外,國防部長俞大維亦被彈片擦傷。

金門炮戰

呢個就係轟動全球嘅台海第二次危機也!

其實在金門炮戰爆發前8月中旬,米軍戰略空軍指揮部命令關島5架B-47轟炸機處於警戒狀態,為前往廈門附近執行核攻擊做準備。戰略空軍指揮部通知下屬機構,一旦衝突升級,5架轟炸機將使用1萬噸到1.5萬噸TNT炸藥威力戰術原子彈(當量與廣島原子彈相近),對廈門機場進行空襲。

B-47轟炸機

 於是國際傳媒紛紛推測廈門市將會係繼廣島及長崎後第三個遭到原子彈轟炸之城市!

雖然米軍軍方已經做左所有核攻擊準備工作,只要總統艾森豪威爾下令,就即刻可以去馬,但係呢個時候艾森豪威爾態度卻有所轉變。

金門砲戰第三日,艾森豪威爾在白宮與高級幕僚開會,佢決定「唔在台海地區使用核武器,並用常規武裝力量援助臺灣」。佢並再次告訴參謀長聯席會議:「即使金門被轟得底朝天,我地都唔需要急於使用核武器!」

因為中共炮擊金門主要唔係一場軍事仗,更重要係一場政治仗、外交仗及宣傳仗。炮擊主要目的並唔係要佔領金門,主要目的係在於牽制美國軍事力量並摸清其對華戰略底盤,懲罰臺灣當局並促其和談。

米國佬對於中共意圖似乎掌握左些少,所以米國佬知道呢鑊台海危機實際上唔係一場軍事鬥爭,而係一場政治鬥爭。

米國第七艦隊雖然為國民黨海軍對金門補給進行護航,但係所有米國戰艦一到大陸沿岸十二海里外就立即停低,任由國民黨艦船遭到共軍攻擊而坐視不理.呢點就睇出米國佬與中共有唔擴大事件之默契也!

另外,俄國佬態度係米國佬是否使用核子武器一個重要考慮因素,雖然赫魯曉夫對毛澤東冇向佢事先通報金門炮戰而惱火,但係當時中蘇尚未分裂,俄國佬係有必要以中國盟友身份對台海危機表態。

9月7日,赫魯曉夫致函艾森豪威爾,就臺灣海峽緊張局勢向美國出警告:如果米國膽敢動用核武器對付中國,咁我赫某將視為米國對蘇聯進行核攻擊,我地蘇聯將會以核武器回擊也!

台海第二次危機好快結束,米國佬第三次對中國核恐嚇亦不了了之矣!

中國決心研製原子彈始於1955年初,就係在第一次台海危機期間,米國多次威脅要對中國實施原子彈攻擊之後。毛澤東主持中央書記處擴大會議,專門討論原子能問題,正式作出左發展原子能事業戰略決策。

經過多次困難及反覆,中國研製原子彈工程在六十年代初加快左步伐,咁就引起米國佬極度關注。

米國佬為要了解中國發展核武器進度,開始派由國民黨飛行員駕駛U-2高空偵察機到中國大陸西北地區進行偵察,主要偵察目標係包頭核燃料廠、蘭州核燃料廠及新疆羅布泊核彈試驗基地。

根據偵察所得資料,米國佬認為中國原子彈研製成功已經係指日可待,甘迺迪總統話:60年代最大事件,可能就係中國試爆核武器!

1961年10月,甘迺迪在接受《紐約時報》專訪時又講,「中國一定會製成原子彈」。跟住又語帶恐嚇咁話中國有左核彈後,「整個東南亞將被中國吃掉」!

甘迺迪總統

1963年1月22日,甘迺迪在國家安全會議上強調,禁止核武器試驗條約嘅重點就係對付中國。點樣先至能夠阻止中國擁有核武器呢?

當時正值中蘇關係破裂,米國佬覺得可以利用,最好米蘇聯手,甚至採取軍事行動,迫使中國簽署核禁試條約,放棄原子彈計畫。

1963年 7月14日,米國特使哈里曼赴莫斯科,帶來甘迺迪對付中國原子彈計畫。哈里曼問赫魯曉夫:是否願意採取「米國行動」或「蘇聯行動」,阻止中國發展核武器?

米國特使哈里曼

國佬建議內容係:一架米國轟炸機及一架蘇聯轟炸機,一起飛到羅布泊上空各自投下一枚炸彈,其中一枚係核彈。

但係哈里曼碰左一鼻子灰,赫魯曉夫對與米國聯手計畫唔感到興趣,赫魯曉夫話中國實力如何佢最了解,中國缺乏配套工業基礎,唔可能在短期內製造出原子彈,就算製造出來,亦無攜帶工具,對我地起唔到威脅作用,何必自尋煩惱?

赫魯曉夫與甘迺迪

雖然老赫對打擊中國核彈計劃冇興趣,但係有個人卻係非常有興趣,甚至自告奮勇,毛遂自薦,向米國佬提出參與毀滅中國核彈生產基地,佢就係老蔣是也!

全世界對中共發展核武器最為心焦就係蔣介石,佢深知中共一旦有左原子彈,國民黨反攻大陸將變成完全唔可能,所以佢非常著急於借米國佬之力來摧毀大陸核彈研製設施。

老蔣提議由米國佬提供遠程轟炸機俾國民黨空軍,然後由國民黨空軍對包頭、蘭州及羅布泊進行轟炸,將中共所有核設施DQ晒!

為左說服米國佬,老蔣特派宋美齡親自前往米國,希望能講掂米國佬,蔣夫人對米國佬講:「You give us the tools and we will do the job!」

但係米國佬對老蔣建議完全冇興趣,原因有多種,米國佬對國民黨空軍有否能力進行如此遠程之轟炸存在疑問,自韓戰米國武力介入台灣海峽後,係唔容許國民黨空軍對大陸進行任何規模空襲,依家亦唔可能破呢個戒條也!

而且米國佬擔心就係一旦動用國民黨空軍去轟炸大陸,中共勢必會傾全國之力攻打台灣,台海多年來建立平衡狀態將會被打破,米國盟友多數對國民黨冇乜好感,亦全部唔贊成搞大單嘢!

與美國緊鑼密鼓部署爭分奪秒,中國核武器計畫高速向前推進。1964年9 月29日,美國國務卿魯斯克在新聞發佈會上突然宣佈:「中國好可能在不遠將來進行原子彈試爆。」美國朝野頓時譁然。

米國國務卿魯斯克

果然,1964年10月16日係令全球華人感到驕傲嘅日子,呢日下午三點,中國第一顆原子彈終於試爆成功!

當日,米國總統詹森授權白宮發言人,發表一個總統書面講話,稱呢一日為整個自由世界最黑暗及最悲哀嘅一日!

米國總統詹森

米國軍事專家最初認為中國呢枚原子黨肯定係用比較低級鈈-239,因為包頭鈈燃料工廠早已建成,而蘭州鈾燃料廠則剛剛建成,中國人肯定會先用鈈-239也!

幾日之後,米國飛機高空取樣收集到放射性微塵送回米國,五角大樓立即送交米國原子能委員會,請專家化驗,先至發現中國人使用乃係鈾-235裂變材料,而唔係鈈-239!米國佬對中國原子彈研製進程之快速及先進為之吃一大驚也!

生米終於煮成熟飯,在米國佬猶疑與權衡關頭,中國搶先造出左原子彈,遏制已經係冇可能,米國想對中國核子試驗設施進行「絕育手術」失去左意義而自然流產矣!

米國佬先後四次對中共實施核恐嚇冇乜太大作用,之後,米國佬就冇再對中共玩呢招,米國式核恐嚇已經成為絕響矣!

1969年3月,中蘇在珍寶島發生大規模武裝衝突,蘇軍失利,被中國軍隊打瓜唔少官兵,係蘇軍廿六年來首次遭到慘敗也!

珍寶島戰役陣亡蘇軍官兵下葬

俄國佬點肯吞落戰敗呢口氣?以蘇聯國防部長格列奇科元帥為首軍方強硬派,揚言要動用在遠東地區中程彈道導彈,攜帶當量幾百萬噸級核彈頭,對中國核基地、政治中心先發制人咁實施核打擊,以「一勞永逸地消除中國威脅」!

蘇聯國防部長格列奇科元帥

蘇聯軍方《紅星報》更加係公開發表文章,聲稱要俾「現代冒險家」以摧毀性之核打擊!

蘇聯又秘密通知其東歐盟國,宣稱蘇聯有可能先發制人咁打擊中國核設施。與此同時,蘇聯《真理報》亦發表文章製造輿論,告誡全世界務必認識到中國之危險,並揚言:「在當前擁有最現代化技術、有效致命武器及發射呢種武器現代化手段條件下,如果爆發戰爭,邊一個大陸都唔能夠倖免」!

但係,蘇聯如果要發動一場大戰,必須要顧及美國立場。8月20日,蘇聯駐美大使多勃雷寧奉命在華盛頓緊急約見米國尼克遜總統國家安全事務助理基辛格,向佢通報左蘇聯準備對中國實施核打擊意圖,並徵求美方意見。

蘇聯大使多勃雷寧與基辛格

蘇聯意圖係:在中米關係當時亦非常緊張情況下,一旦俄國佬郁手,米國佬能夠同時對中國進行夾擊固然好,如果米國佬唔想入夥,起碼米國佬要保持中立。

基辛格立即向總統尼克遜匯報。尼克遜認為,西方國家最大威脅係來自蘇聯,一個強大中國嘅存在係符合西方戰略利益,米國佬冇咁笨實幫助俄國佬除去其眼中釘中共也!

尼克遜與基辛格

於是基辛格後來約見蘇聯大使多勃雷寧,對佢話尼克遜總統反對蘇聯對中國動用核子武器,因為咁做會對全世界帶來災難,希望俄國佬三思!

基辛格覺得淨係警告俄國佬不得輕舉妄動仲唔足夠,必須要向中國通報呢單嘢,但係其時中米冇乜直接溝通渠道,中米雙方亦缺乏互信,咁又點樣可以向中國通水呢?

基辛格諗左條橋,就係搵一份小報《華盛頓明星報》來透露呢條消息,8月28日,在該報醒目位置刊登一則消息,標題係《蘇聯欲對中國做外科手術式核打擊》。文中話:「據可靠消息,蘇聯欲動用中程彈道導彈,攜帶幾百萬噸當量核彈頭,對中國重要軍事基地——酒泉、西昌發射基地,羅布泊核子試驗基地,以及北京、長春、鞍山等重要工業城市進行外科手術式核打擊。」

呢則消息立即在全世界引起強烈反響,中國對於呢則消息亦非常重視。毛澤東聽取周恩來匯報後講:「不就是要打核大戰嘛!原子彈很厲害,但鄙人不怕!」

蘇聯有鷹派及鴿派之分,鷹派摩拳擦掌要對中國實施核打擊,但係鴿派如總理柯西金就極力反對,佢主張與中國對話,盡量避免兩國大規模動武。

柯西金在赴越南弔唁胡志明之後,利用回國機會於 9月11日在北京機場與周恩來會晤,雙方進行左三個半小時會談,達成雙方邊境軍隊脫離接觸及召開邊界問題會談共識。

柯西金與周恩來在北京機場

北京機場會談後,中蘇關係雖然略有緩和,但係危機依舊。

中國高層對於呢一個突如其來轉折,深信其中必有陰毛,毛澤東亦深表示懷疑。唔少領導人明確認為,柯西金北京之行係為其大舉侵略施放煙幕,如同珍珠港事變前日本派特使去美國迷惑羅斯福咁樣。

9月30日,為預防蘇軍乘中國國慶日好似武裝入侵捷克斯洛伐克咁樣發動突襲,解放軍全軍進入一等戰備,北京附近幾個機場飛機疏散,並在跑道上設置障礙物,機場值班人員配發武器,防備敵機空降。

有人同時甚至主張馬上放掉密雲水庫存水,以免蘇方轟炸大壩沖淹北京,後因周恩來反對而作罷。

其實,就在國慶前夕9月23日及29日,中國先後進行左當量為2萬至2.5萬噸地下原子彈裂變爆炸,以及轟炸機空投當量約300萬噸氫彈熱核爆炸,呢D動作都係向俄國佬作出警告也!

毛澤東話我地先連續燒左兩響炮仗,咁就可以保證我地可以平安過1969年國慶也!

但係對中國真正核威脅仍未解除,柯西金與周恩來北京機場會談同意中蘇舉行副外長級會議,商討雙方邊界問題,第一輪會議將在10月20日在北京舉行,蘇聯外交部副部長將會在當日乘飛機來北京。

中國高層判斷俄國佬可能會利用外交部副部長專機運載突擊隊,待該機飛抵後,突擊隊就會佔領北京機場,然後蘇聯數以十計運輸機跟住會運載正規部隊進攻北京。

與此同時蘇軍坦克部隊會由中蒙邊境攻入,佔據張家口後就可以指向北京,當然俄國導彈亦會向中國各重要核設施進行核子打擊。

根據毛澤東指示,在北京中央黨政軍主要領導人在10月20日中蘇談判開始前幾天全部疏散完畢。毛澤東去武漢,林彪去蘇州,周恩來率留守北京負責人,以及總參謀部轉移到西山可以防禦原子彈戰備指揮中心辦公。

隨即,唔單止解放軍全軍進入前沿工事或緊急疏散,各大中城市亦進行防空演習及大規模疏散行動。僅軍隊疏散就達94萬餘人、4000多架飛機及600餘艘艦艇。

正當中國舉國上下備戰之際,尼克遜亦緊急召開國防會議,尼克遜認為:「對於眼前呢場中蘇一觸即發戰爭,我地當然應當阻止。」

10月15日蘇聯大使多勃雷寧大使緊急約見基辛格,向佢表示目前中蘇關係非常緊張,蘇方有必要對中國實施核子戰爭。

基辛格明確表示尼克遜總統認為中國利益同美國利益密切相關,美國唔會坐視不管。如果中國遭到核打擊,米國政府將認為係第三次世界大戰嘅開始,米軍將首先參戰。

兩個鐘頭後多勃雷寧大使向勃列日涅夫匯報米國佬態度,老勃嬲到幾乎爆血管,佢憤怒咁喊道:「米國人出賣左我地」!

就咁樣,中共避過第五次核戰威脅矣!

米蘇兩大核子強國都無法DQ到阿爺,依家睇落要阿爺瓜老襯要全靠我地香港黃屍帶,佢地信心滿滿咁向我地保證會在2018年DQ左阿爺!

我地就伸長條頸睇下黃屍帶如何DQ阿爺矣!