二二八起義七十周年前夕,台北出現五星紅旗!

二二八起義七十周年前夕,台北出現五星紅旗!

好多人會覺得奇怪,二二八呢鑊明明係台獨分子搞出來,與共惨黨何關?

但係根據歷史事實,二二八原來係與台獨無關,反爲台灣共黨在呢鑊嘢當中起極大作用也!

大家都係俾台獨分子宣傳所欺騙矣! 查實二二八事件期間,台獨根本就唔存在也!

相反,二二八真正用武裝起義形式對抗刮民黨軍鎮壓係共惨黨也!

歷史真相係台共領導人謝雪紅在台中組織二七部隊,與刮民黨軍血戰連場,此所以呢次台北紀念二二八起義會場出現謝雪紅照片也!

謝雪紅在起義失敗後,被刮民黨列入頭號通缉犯,佢偷渡來香港,成立台灣民主同盟,并且返回大陸。

中共建國大典,毛澤東登上天安門,謝雪紅就企在老毛身後!

台灣二二八起義係國共戰争一個組成部分,當時刮民黨主力正在全力進攻江蘇及山東共軍,要將共軍逐出華東地區,但係在呢個關鍵时刻,台灣爆發左二二八起義,老蔣唯有抽調原本要進攻山東刮民黨軍去台灣,俾在山東陳毅部隊有喘息機會。

後來呢批陳毅部隊組建成第三野戰軍,與鄧小平劉伯承第二野戰軍,發起淮海戰役,一舉殲滅刮民黨主力,共軍飲馬長江,冇幾耐就將刮民黨逐出大陸矣!

二二八起義對中國人民解放戰争起非常大作用,但係長期以來俾台獨分子貪天之功,二二八起義真相知者甚少也!

可以負責任講句,台獨份子係冇資格紀念二二八起義,因爲呢次事件同佢地無關也!

歷史真相必須還原,台獨分子謊言必須拆穿!

四十年前大陸曾出二二八起義紀念郵票

二二八起義係中國人民解放戰争一個重要組成部分,與台獨冇半毫子關係也!

唔少人可能會問台獨究竟從何而來,究竟係邊班冚家鏟搞出台獨呢個怪胎?可以分幾方面來講。

第一,刮民黨敗退台灣後,檢討大陸失敗最主要原因就係冇搞土地改革,為免俾共黨在台灣煽動農民革命,刮民黨就在台灣實施土地改革,耕者有其田,咁樣自然損害到台灣大地主利益,所以台獨第一代首腦如廖文毅,彭明敏,辜寬敏均係出身台灣大地主家庭也!

第二,刮民黨四十年代末五十年代初,在台灣實施白色恐怖,將台灣共黨及其同情分子殺清光,使到台灣社會反對力量出現真空,因為刮民黨對台獨網開一面,咁就使到台獨可以趁機填補呢個真空。

第三,台獨獲得日本仔及米國佬背後支持,內應外合,乃逐漸坐大,依家竟然兩次奪取政權。

五十年代初期大陸年年都舉辦紀念二二八起義,1956年周恩來向老蔣提出和平解決台灣問題,為免刺激刮民黨,有關二二八起義活動取消或低調舉行,咁樣就俾台獨分子趁機將二二八起義歪曲成台獨革命,此為中共一大失策也!

七十年代初,因為台灣留米學生發動保釣運動,中共開始與台灣學生接觸,得悉二二八起義在台灣人心中具非常重要地位,所以又再在北京高調舉行紀念會,但係到改革開放後,矮佬鄧想統戰刮民黨,於是又再唔多提呢鑊嘢,免傷和氣也!

咁樣阿爺又將二二八話語權送柒左俾台獨分子,愚不可及也!

依家阿爺總算睇穿刮民黨係扶唔起阿斗,據講今年準備再次會高調舉行活動,將話語權搶番轉頭,此所以台灣親北京分子夠膽在台北公然掛五星紅旗紀念二二八也!