又一張使到我地維園阿伯起頭照片!

又一張使到我地維園阿伯起頭照片!

米國佬CNN繼上週跟偵察機拍攝八叔在南海填海造島賓虛場面後,又獨家在老八太空基地拍得如此震懾人心照片!

CNN依家兩次為中共張目,唔知乜嘢原因?

CNN特派記者到甘肅太空基地進行獨家訪問,了解八叔咁多年來太空計劃。

目前中國係唯一一個國家獨力發展太空計劃,因為米國國會通過決議,米國太空機構不得與大陸進行任何太空合作項目,老八被逼自力更生,完全靠自己來發展太空事業。

冇左你米國佬,我地自己搞仲好,費事將來欠你米國佬人情要還!

大陸太空計劃有個名堂,叫做“九二一工程”,估計係九二年一月中共正式啟動呢個太空計劃。

反共朋友嘲笑老八依家所有實現太空計劃,都係人地米俄四五十年前已經做左,你老八仲差人地好遠!

但係米俄近年因為水頭不足,所以太空計劃都逐步減少中,米國科學家估計到2022年,米俄太空計劃會全部因為莫財停頓,而中共就會成為全世界唯一仲繼續擴展其太空計劃國家,龜兔競賽將重現眼前也!

中國人根據自己國家實力,按步就班咁慢慢來,遲早會趕上米俄,呢點我地應該有信心也!

CNN呢篇長篇報導引述米國太空科學家睇法,佢地認為米國政府拒絕與八叔合作搞太空計劃,係愚不可及!因為將來中共一旦在太空發展超越米國,到時米國佬就會乾著急也!

“可上九天攬月, 可下五洋捉鱉”係毛魔王“重上井岡山”名句,依家已經逐步實現中矣!

中共在國防科技所取得成就,凡自問係中國人者均感驕傲也!我老竇有個台灣朋友同佢個仔,在一九六四年因偷聽大陸電台報導首次原子彈試爆而俾刮民黨拉佢兩仔爺去坐籃五年!

一九七零年老八發射首顆人造衛星後冇幾耐,我去台灣一遊,佢兩仔爺已經放左出來,一見我面就偷偷問我老八發射人造衛星呢單嘢,我話你地偷聽老八試原子彈坐五年籃,依家又死性不改,再偷聽老八發射衛星,真係膽大包天也!

凡係中國人邊個唔想自己祖國強大?只有豬狗不如班黃屍帶成日想自己國家福佳!

CNN獨家採訪大陸太空城報導會在美東時間週五晚十一點半播出,應該係香港時間週六上午十一點半播出卦?

乜嘢人值得我地敬仰?我話就係大陸果班長期默默無名科學家!中國核潛艇之父黄旭華由一九五八年起就人間蒸發達卅年之久,呢段時間佢冇番過屋企,冇同屋企人聯繫,默默咁奉獻俾中國核潛艇事業,呢種人我地唔敬仰唔通去敬仰淨係識得倒米班黃屍帶乎?

中國氫彈之父鄧稼先同樣係長期隱姓埋名,佢屋企人完全唔知道佢做緊乜。直到一九八六年,鄧稼先因受核輻射影響患上不治之症,中共中央先至正式解密,向全世界公佈鄧稼先對中國核彈事業研製之貢獻!

不為名,不為利,埋頭咁為中國崛起而嘔心瀝血,就係無數中國科學家之寫照也!

錢學森放棄米國高薪優職,死都要返回落後貧窮之祖國,你班反共契弟有乜資格媽叉人地?

反共朋友一提到錢學森就媽媽叉叉,都係呢條友搞到萬惡共慘黨會在太空科技快速發展!

老夫生平最佩服就係錢學森,反共朋友吹鬚碌眼都冇能用!

舊年米國有套電視片集,叫做Manhattan Project,係講一九四三年米國政府將數以百計科學家集中在墨西哥州一處秘密地點研制原子蛋,班科學家可以帶埋家眷在集中營内,咁樣係比較有人性。

但係當年老八限於經濟條件,同時又為左保密,科學家冇得帶埋家眷同住,所以顯得班科學家犧牲之大也!

做中國科學家老婆都幾惨,等於守生寡也!

依家大陸條件改善好多,太空城乜都有,班科學家當然會帶埋家眷喇!

依家大陸太空城連米國記者都可以進入採訪,保密程度冇以前咁嚴格矣!