孫立人兵變案之謎!

孫立人兵變案之謎!

1955年6月6日上午,台灣屏東練兵場上數以千計刮民黨官兵結集排列整齊,準備迎接蔣老介大統領駕臨進行年度檢閱。但係班官兵企左成兩個幾鐘,都未見老蔣現身,大家覺得非常奇怪,因為老蔣素來講究準時,何以呢次會姍姍來遲呢?

而且在官兵集結時,在場政工幹部安全檢查較平時嚴厲好多,每把槍支都一一檢查確定冇子彈在內,每個官兵都被再三搜身,一根針都唔放過,何以會咁呢?

兩個幾鐘頭後,蔣老介終於在文武百官護衛下到場閱兵,只見老蔣呢次神色好似唔多自然,仲帶有些少緊張,佢匆匆檢閱完畢,就開始例牌訓話,按照慣例,班官兵諗住勢必要遭到老蔣果口浙江奉化官話疲勞轟炸超過一個鐘,點知呢次老蔣up能左幾分鐘,就即刻較腳走頭矣!

呢場獨特嘅閱兵結束後冇兩日,台灣政壇開始流傳一項謠言,就係屏東閱兵本來就係一場未遂兵變,有人想劫持老蔣,再來一鑊西安事變也!咁究竟邊個敢能沙膽?謠言直指係原任陸軍總司令現任總統府參軍長二級上將孫立人也!

孫立人想發動兵變?消息傳出,即刻轟動全台,唔單止咁,國際傳媒亦高度關注呢單嘢,因為鬼子佬可以唔識得任何刮民黨將領,但係對於孫立人卻係非常熟悉也!

孫立人,生於1900年, 1914年以安徽省第一名成績考取清華學校,1923年赴米入普渡大學加修土木工程學,1925年取得學士學位畢業。期間曾為米國橋樑公司(American Bridge Company)受聘當設計繪圖師。

1926年孫立人棄文從武,進入維吉尼亞軍校,1927年畢業,遊歷歐洲,參觀英、法、德等國軍事。

在刮民黨將領當中,孫立人算得係異數,佢有完整大學學歷,又係米國軍校畢業,而其他刮民黨將領多係保定軍校,黃埔軍校或日本軍校畢業,唔少得小學最多係初中文化水平,孫立人企埋去,簡直係鶴立雞群也!

珍珠港事變後,米國大力軍援中國抗日,要建立第一支全米式裝備新軍,好自然將呢項重任交俾同聲同氣嘅孫立人來負責,於是就出現左新一軍呢支勁旅矣!

由孫立人所訓練及率領嘅新一軍在緬甸戰役中立下戰功,成為國際知名將領,因此佢獲得大英及大米兩國勳章。

請注意緬甸戰役時期,孫立人頂頭上司係中國戰區參謀總長史迪威,大家都知道史迪威與老蔣係非常唔啱key,史迪威經常公開謾罵老蔣,孫立人恐怕亦聽左唔少,此亦種下後來蔣對孫存有猜忌之惡果也!

國共內戰爆發,重點戰場係東北滿洲,老蔣調孫立人率新一軍出關同林彪部隊揮過,打到共軍落荒而逃!

但係孫立人與東北保安司令官黃埔系杜聿明發生矛盾,兩個人成日嘈到拆天,杜聿明向老蔣督孫立人背脊。

老蔣見將帥不和,1947年7月,蔣老介將孫立人調離東北,在南京成立陸軍訓練司令部,由孫負責全國國防新軍訓練重任。

此消息一傳到共區後,毛澤東開慶祝會話:我地唯一敵人俾杜聿明趕能走左,東北將係我地共慘黨天下矣!

老蔣將全國各地六七個軍事訓練場俾孫立人選擇,孫立人睇來睇去,覺得日本仔在台灣鳳山所遺下訓練場最為正斗!

1947年11月,孫立人將陸軍訓練司令部遷到臺灣高雄縣鳳山鎮,並從新一軍調去幾百名佢在稅警總團及在緬甸作戰時期幹部,一同前往臺灣訓練新兵,在臺灣建立新軍。

1949年初,刮民黨軍連續兵敗遼瀋戰役,淮海戰役及平津戰役,係盲嘅都知道刮民黨在大陸江山快將不保,米國佬開始考慮要用棄蔣保台呢一招矣!

1949年2月11日,麥克亞瑟將軍派專機邀請孫立人到東京會談,麥克亞瑟對孫立人講,米國希望孫立人承擔防衛臺灣責任,米國將給予孫全力支持,但係孫立人表明佢支持老蔣。當佢回到臺灣後,孫立人立即向陳誠報告麥克亞瑟與佢談話內容,並要求陳向蔣報告呢件事。

但係米國佬唔死心,米國駐華大使館參贊莫成德向美國國務卿艾奇遜報告話:我地所需要係一個能力強、做事腳踏實地嘅人,不必聽命於蔣介石,亦毋須服從李宗仁聯合政府,而專為臺灣謀福利。孫立人經驗或許不足,但其他條件卻甚合適也!

1949年5月,莫成德回國,向艾奇遜及國家安全委員會提出:由孫立人主持臺灣政局,以此作為向臺灣提供經濟援助嘅條件。

當時,米國國務院主管遠東事務助理國務卿魯斯克與艾奇遜一樣,對蔣介石政權腐敗墮落、喪失民心深惡痛絕,一直積極推動倒蔣運動。

1949年秋,魯斯克派人去探孫立人嘅底。孫立人見到米國佬,雖然大發牢騷,但始終冇正面回答係唔係想要米國佬支持佢控制台灣。

1949年12月,米國駐台使館代辦斯特朗及前美國駐臺北領事克倫茲抵台。佢地向孫立人明確表示:如果孫願意控制台灣,美國將予以全力支持,但係孫立人仍然婉拒。

1950年3月1日,老蔣在台北宣佈復行視事,重新擔任中華民國總統,任命孫立人為陸軍總司令兼任臺灣防衛總司令,係孫立人生平所居最高位置,蔣孫之間關係極為密切,孫立人亦冇任何叛蔣企圖。

1950年6月韓戰爆發,米國大統領杜魯門下令調第七艦隊進入台灣海峽,刮民黨轉危為安,米國佬改變主意,將全力支持老蔣保衛台灣,所謂棄蔣保台方案亦從此胎死腹中矣!

米國佬援助滾滾而來,孫立人作用已經開始慢慢消失,本來老蔣答應孫立人陸軍總司令任期滿後,就會提升佢為參謀總長,但係孫立人人緣太差,佢高傲自滿,從來唔將保定系,日本系及黃埔系出身人馬放在眼內。

空軍總司令周至柔曾多次表示想同孫立人結拜,但係孫立人為左爭取陸軍權益,曾當眾與周至柔鬧交!

最麻煩仲係孫立人與蔣太子經國之間關係一直搞唔掂,當時蔣經國以政治作戰部主任名義在軍中設立俄式政治委員制度,負責監察軍隊動向,孫立人對此深感不滿,認為搞呢種列寧屎太淋式軍隊特務系統,根本就與軍隊國家化精神不符也!

孫立人見到完全冇任何戰功嘅蔣太子居然著上二級上將軍服,當然係非常唔順眼也!

蔣太子何德何能?點解可以著將軍軍服在軍中活動?蔣經國雖然想向孫立人示好,到孫立人府上拜年,孫立人居然閉門不納!

1954年6月24日,老蔣將孫立人調任至無實權之總統府參軍長,所答應參謀總長職位流左標!

孫立人條氣當然唔順,特別係佢班老部下個個內心媽媽叉叉,其中一個老部下叫做郭廷亮少校,佢自緬甸時期已經跟隨孫立人。佢呢段時間經常搵孫立人傾,孫立人同意由郭廷亮負責聯絡台灣各地舊部,孫立人並且俾左D錢俾郭廷亮,作為佢聯繫舊部活動經費。

郭廷亮在軍隊中拉攏孫立人舊部活動點瞞得過蔣經國在軍中班特工?老蔣素來最驚部下進行串聯拉幫結派。

1955年5月25日,郭廷亮被特務逮捕,經過嚴刑拷打及甜言蜜語誘導下,郭廷亮招供話佢在雲南時期已經加入共慘黨,依家係按照共黨指示聯繫孫立人舊部係企圖以武力實行“兵諫”!

於是就出現上面所講屏東檢閱呢個緊張場面矣!

根據郭廷亮供詞,孫立人終於難逃一劫,1955年 8月20日,孫立人兵變事件公開化,刮民黨政府以“縱容”部屬武裝叛亂,“窩藏共匪”,“密謀犯上”等罪名,公開革除孫立人總統府參軍長職務。

孫立人被判處“長期拘禁”於台中市向上路寓所,而其親信部屬一一被調離軍職查辦,前後有300多人因與本案有牽連而被捕入獄,係五十年代刮民黨軍隊最大一場清洗運動!

於是孫立人自此消失於公眾面前,開始度過佢在台中漫長之卅三年軟禁生涯矣!

當時唔少人對孫立人兵變案產生疑問,監察院陶百川等“五人小組”經過調查後,認為郭廷亮等確係主張軍事改革,但絕無興兵叛亂之情節。所謂遭人檢舉,乃屬國民黨軍隊內部派系構陷,不足為憑。孫立人對此應毫無責任。但係監院調查結果因與官方結論相差太遠,最後僅在監察院內會議秘密報告後即以極機密封存,唔再公開。

直到蔣氏父子先後瓜老襯後,1988年5月李燈灰大統領宣布解除對孫立人所有監視,孫立人即刻恢復自由身,但係佢呢個時候已經垂垂老矣!

記者問孫立人幾時可以正式平反,孫話佢從來冇“反”過,何來平“反”?

1990年11月19日,孫立人病逝於台中寓所,享壽89歲,一代名將,就咁帶著無數疑問而離開人世矣!

目前台中孫立人軟禁地已經被闢為紀念館,供有興趣人士前往參觀憑弔膜拜!

當年台灣政壇有人偷偷評論孫立人案,認為佢讀得番書多,但係冇乜讀過線裝書,所以在政治鬥争中會落敗也!

四九五零年間,老蔣重用一文一武,都係讀米國番書出身,文者係吳國楨,武者就係孫立人。

吳國楨係在米國獲普林斯頓大學政治學博士學位,非常巴能閉,回國後先後任漢口市市長,重慶市市長及上海市市長,四九年末,老蔣命吳國楨為台灣省主席兼台灣省保安司令,權傾朝野也!

吳國楨與孫立人一樣,都係與蔣太子發生矛盾,佢地兩個米式教育出身都睇唔慣蔣太子俄式作風,吳國楨仲早過孫立人下台,一九五三年四月就辭職較腳去米國終老矣!

老蔣雖然憎能死共慘黨,但係佢亡命台灣,最後都要靠蘇聯共慘黨黨員蔣經國,以俄式恐怖政策穩住台灣局面,即使犧牲吴國楨及孫立人亦在所不惜也!

究竟米國佬對孫立人兵變疑案持乜嘢態度?根據目前已知資料顯示,米國佬確曾私下向老蔣表示關切,僅此而已,并冇太大反應,何解?

雖然米國佬曾在四九五零年間多次通過管道向孫立人表示米國願意支持孫立人出來主持台灣大局,但係并未獲得孫立人積極反應,五零年六月韓戰爆發,米國佬對台政策來個一百八十度大轉彎,連素來極其厭惡老蔣之杜魯門大統領都决心支持老蔣防衛台灣,米國佬已經冇乜興趣去支持另一個人代替老蔣矣!

一九五四年末,台海爆發第一次危機,中共自韓戰脱身後,積極調動海陸空三軍力量到浙江福建沿岸,對台灣安危造成威脅,米台簽署防衛條約,米國佬全心全意要幫老蔣保衛台灣,更加唔會在呢個時候公然支持台灣内部反蔣力量。

米國佬所能做,只係表示關切,咁樣起碼老蔣只係將孫立人軟禁而已,所謂匪諜郭廷亮亦由判死刑改為無期徒刑!

孫立人無論在刮民黨方面或在米國方面,佢利用價值在一九五五年已經係近乎零,所以成為兩方面棄棋亦屬正常也!

孫立人密令佢部下郭廷亮去聯絡舊部,究竟有何企圖?係想密謀兵變乎?係想改革軍隊制度乎?

孫立人對玩政治屬於外行,但係佢唔係蠢才,佢應該知道在台灣發動兵變根本就冇任何可能性,因為台灣軍隊全部掌握在蔣家父子手中,軍中將領全係黃埔系統,孫立人呢個唯一米國系統如何能郁動到軍隊?

何況此時孫立人已經俾老蔣調去做總統府參軍長,與老蔣同在總統府內辦公,有職無權,完全冇可能指揮到軍隊造反,而郭廷亮僅係具少校官階,點有能力煽動軍隊異動?

孫立人留米回國後,第一份工就係幫國舅爺宋子文建立稅警總團,宋子文係國民政府最具洋派作風官員,佢有時在公文上簽署都係簽上T V Soong英文大名,而非簽上中國名,佢與孫立人同係留米出身,同聲同氣,所以加以重用也!

何以一個稅警總團會配備德國機械式先進裝備?因為其時中國走私集團勢力極大,並且擁有大火力武器,一般政府軍難以匹敵也!更何況走私集團背後就係架頭皇軍,稅警總團如果稍差裝備都會頂唔順也!

五六十年代在台灣有兩個雖然名義上冇坐籃而實質坐緊籃之大人物,一個係軟禁於台中之孫立人,另一個就係被軟禁於台北北投之張學良!

無獨有偶,孫立人係因涉及發動屏東兵變劫持元首疑案而被軟禁,張學良則係本人真係發動西安兵變劫持元首而被軟禁,都係與兵變有關也!

民國以來,發生過大大小小兵變可以話係難以統計,亦證明當時中國的確係處於亂世,西安兵變無疑係最能大鑊,並且改變左中國近代史進程!

老蔣在俾張學良拉能左之後,一直態度強硬,唔肯同張學良傾任何條件,但係佢一見到老婆及國舅之後,態度即刻改變,肯就聯共抗日條件傾談,亦肯接見佢昔日部下周恩來!

估計宋氏兩兄妹係帶來英米對西安事變態度也!老蔣唔會唔聽也!

日本仔想獨吞中國,咁樣勢必損害到英米在華利益,所以解決西安事變最後都係由有米國背景之蔣夫人宋美齡女士及宋子文國舅爺親自飛西安搞掂也!

西安事變所以能迅速解決,毛熊態度亦非常關鍵,本來毛賊東在獲悉老蔣被劫持,歡喜到甩褲,中共黨內個個磨拳擦掌,話要劏能左蔣光頭,但係屎太淋第一時間發指示俾中共,要求和平解決西安事變,因為如果中國陷入內戰,架頭勢必趁機霸占中國,咁就對毛熊極之不利也!

所以英米俄同樣態度,係和平解決西安事變最重要原因也!

依家刮民黨官書指責張學良與中共勾結而發動西安兵變,其實呢項罪名係唔成立,因為在張學良偷偷與中共勾搭之際,陳立夫亦奉老蔣密令,要設法搵到中共談判,中共派出潘漢年到南京與陳立夫講數,數都未講能掂,而衝動派掌門人張學良已經發動西安事變矣!天真無牙之張學良唔鳩知道佢老細同樣偷偷與中共勾搭也!

所以你話張學良係唔係中國近代史排名第一岸居人物?

一個性格率真之人,真係唔好玩政治也!

依家刮民黨官書又將大陸送俾共慘黨所有責任推在張學良頭上,真係千古奇冤也!即使張少帥冇發動西安事變,老蔣要與中共合作抗日係必然發生之事也!