由「台灣之子」變成「台灣之恥」!

由「台灣之子」變成「台灣之恥」!

2006年9月9日,台北爆發一場聲勢非常浩大民眾遊行,當時有百萬紅衫軍冒住大雨,在台北凱達格蘭大道上靜坐示威,要求時任中華民國大總統陳水扁下台!

為乜台灣民眾會咁樣群情激昂要趕阿扁落台?

在2000年上台之初,阿扁獲得百分之七十九民意支持,為乜在短短六年之後,會被台灣民眾高呼落台呢?

大雨雖然傾盤而下,仍然無法撲滅群眾怒火,向住總統府比出統一大拇指向下手勢,宣洩心中不滿與憤怒,要阿扁即時辭職下台。

紅衫軍運動係台灣史上最大規模一次群眾運動。

最奇怪係發起呢次紅衫軍運動者係原民進黨主席施明德,施明德過去係民進黨內大佬,六十年代就已經因政治原因俾刮民黨拉去坐廿五年監,所以佢在反對運動中係一個極具號召力人物。

施明德在2006年8月就訴諸群眾,要求每人捐一百蚊新台幣,能夠募集到一百萬人即係一億元資金,咁我地就可以舉辦呢次公民運動。

就在短短唔夠一個星期時間,果然有超過一百萬人匯款,一億元募款目標已經達到,所以就即刻啟動呢次反扁運動。

阿扁之所以成為呢場運動聲討目標,係因為佢與及佢屋企人被揭露出涉及嚴重貪腐。

究竟係邊個最早察覺及冒險揭開陳水扁家族貪腐弊案個蓋呢?

佢就係時任國民黨立法院委員之邱毅也!

呢個邱毅與阿扁兩個人好似貼錯門神,一直係死對頭,邱毅在阿扁統治初期曾多番揭發扁家唔光彩活動,但係因為資料有誤或不足,都起唔到任何作用。

但係到2005年,邱毅為揭發陳水扁家族貪腐案,前後花費一年幾時間,其策略可以概括為“剪其羽翼”“去其爪牙”八個字。

邱毅就係先由陳水扁親信及幕僚開始落手,進行三波調查。

第一波調查係針對陳水扁“白手套”,亦即係總統府副秘書長陳哲男。陳哲男借陳水扁威勢,在外面向企業收賄,賣官鬻爵,炒作股票。

2005年10月,邱毅針對陳哲男弊案,揭發一張陳哲男在韓國濟州賭場賭博照片,呢張照片開啟反扁貪腐序幕。

第二波係緊接到2006年5月,邱毅將腳步往前推,揭發陳水扁女婿趙建銘涉及台開併購彰化銀行一個內線內線股票炒作案。

趙建銘被控參與台灣土地開發公司股市內線交易案,獲利四千多萬台幣,堂堂駙馬爺趙建銘於是被扣押及判刑。

第三波,邱毅腳步再往前推,呢次就推到陳水扁老婆吳淑珍身邊,佢當時涉及一個指標性案件,就係台北崇光SOGO百貨公司。

吳淑珍多年前因車禍而致本身不遂,長期以輪椅代步,本來呢單係普通交通失誤事件,但係陳水扁夫婦卻將之描述係政治暗殺事件,大打悲情牌,台灣蠢民不察,信以為真,對於陳水扁一路由立法委員到台北市長到最後總統選舉都起非常大作用。

所以阿扁將呢個老婆當係福星,認為冇吳淑珍就冇陳水扁,所以對吳淑珍任何行為均唔敢干預。

呢間崇光SOGO百貨公司係吳淑珍經常去血拼地點, 佢每次去SOGO都會滿載而歸,2006年前後,細心台灣傳媒吳淑珍身上首飾,越來越多,越來越名貴。

而佢購物方式則又特別得令人詫異,同普通人購物使用現金或信用卡唔同,吳淑珍每次購物都係使用一張張數額不明SOGO禮劵!

本來吳淑珍對外否認有用過SOGO禮劵,但係有個SOGO工作人員打電話俾傳媒,話佢班同事個個頂唔順吳淑珍成日攞禮劵來購物,佢地記錄低吳淑珍所購買其中幾樣嘢,幾日幾時在邊個專櫃賣左乜嘢等等。

呢D記錄非常零星,總共價值不過廿七萬元,吳淑珍認為數額唔大,對佢冇乜太大影響,但係事情發展大大出乎佢意料之外。

點解吳淑珍會有咁多SOGO禮劵?查SOGO百貨公司因為經營發生困難,老板希望阿扁可以給予財務上融通,吳淑珍知道呢件事,認為係隻金母雞,利用呢單嘢收左SOGO老細所獻禮劵。

由SOGO購物切入,傳媒開始揭露吳淑珍擁有大量奢侈品,曾有台灣電視節目專門盤點佢所佩戴珠寶首飾,其中唔少係天價限量版,吳淑珍辯解佢所有首飾價值係得幾百萬元。

但係淨係佢四對祖母綠耳墜市場價就已經已經值幾千萬元矣!

正當邱毅一心一意調查SOGO案時,一個更大弊案逐漸浮出水面!

在2006年6月左右,邱毅發現吳淑珍在官邸內組織左個貴婦團,呢個貴婦團幾乎包含左台灣大企業,銀行,金控公司等等大老闆夫人,在呢班貴婦中,邱毅接觸到其中一位叫做李慧芬。

李慧芬之出現,係邱毅調查過程中一個大突破!

本來李慧芬唔想捲入政治漩渦中,但係佢當時正在辦理與老公離婚手續,佢老公將佢心肝寶貝仔帶走左,佢個仔居然就叫做邱毅!

所以李慧芬在佢筆記部中寫左“邱毅”呢個名,並寫下好多思念“邱毅”文字。

有個親阿扁媒體人偷睇到李慧芬筆記簿,佢見到“邱毅”呢個名,心想呢次糟糕,原來李慧芬與陳水扁最憎之邱毅勾結左,會唔會造成洩密呢?

於是阿扁就搵人向李慧芬施壓,點知引起李慧芬極大反感,就咁樣神使鬼差,誤打誤撞,反為將李慧芬與邱毅逼埋一齊!

李慧芬對邱毅講,有個方式可以抓到更大弊案,陳水扁按照規定,係可以領取公務機要費,但係,公務機要費不可用在私用。吳淑珍吩咐貴婦團幫佢收集大批發票,用假發票去領公務機要費,呢個叫做公款私用,咁當然係貪污喇!

慧芬話佢在台北君悅酒店有大金額消費發票已經交俾吳淑珍,如果能夠將發票存根調到出來,咁就有足夠證據去證明阿扁貪污矣!

邱毅於是搵君悅酒店磨左好長時間,本來酒店唔騷佢,但係唔知點解,君悅酒店有個經理突然打電話俾邱毅,話去願意提供八張發票存根。

呢八張發票都係連號,每日消費約十六萬元,邱毅就憑呢八張發票召開記者會對外揭發。

阿扁起初吃左一驚,同幕僚商議後又漸漸放下心,好快,阿扁團隊為呢八張發票編造一套自以為合理之謊話。

呢個謊話叫做“南線專案”,乜嘢係“南線專案”?根據阿扁解釋,呢個專案係為左對抗大陸共慘黨打壓台灣,台灣招募左一批情報員,為左要報銷情報費,就在總統府對面北一女門口交易左呢八張發票。

國家安全機密高深莫測,外界根本難以查究,阿扁就用呢個做擋箭牌,自認為咁就可以瞞天過海,連邱毅都冇乜辦法,只能暫時沉默矣!

綠色傳媒全面開動,大罵邱毅烏龍爆料,人地阿扁總統明明係為左捍衛台灣國家安全所作情報工作,你邱毅就當人地係貪污!

就在邱毅感到非常沮喪之際,君悅酒店經理話佢經過多番思考,決定將李慧芬兩百幾張發票存根全部交俾邱毅!

第二日,邱毅即刻再次召開記者會,將呢兩百張發票對外公佈,咁多發票當然冇可能與所謂“南線專案”有關喇!

邱毅將呢兩百幾張發票送去發票核銷官方單位,果然發現陳水扁利用呢批發票去冒領公務機要費。

於是邱毅就將證據交俾檢調單位之查黑中心,檢舉阿扁夫婦,檢調單位不敢怠慢,即刻展開調查,證實邱毅檢舉屬實。

但係邱毅仍然繼續窮追猛打,呢次佢調查方向係阿扁家族房產狀況,早在九十年代,陳水扁當台北市長期間,已經在米國洛杉磯有左房產。

諷刺係陳水扁在競選總統期間,卻係多次攻擊對手宋楚瑜及連戰以子女名義在海外置產。

阿扁個仔陳致中在米國留學期間,阿扁就要佢在米國多處購置房產,2006年下半年,陳致中多次去米國,佢任務就係幫佢老竇貪污所得款項如何處理,如何投資。

檢調單位介入調查後,陳水扁家族海外資產狀況陸續曝光。

陳水扁本來在洛杉磯就有一套房產,後來轉入佢個女陳幸妤名下,陳執中則在米國紐約曼哈頓購買一套房產,又在維珍尼亞州買左間屋,除此之外,扁家亦投資米國大華超市之土地。

6月7日,邱毅又再次爆料,指陳水扁在國泰世華銀行總部地下一樓保管室闢作秘密金庫,呢個巨大金庫內存有大量現金,邱毅點解會知道?原來又係有人打神秘電話俾邱毅揭發呢件事。

爆料者話在呢個秘密金庫內,陳水扁收藏左十幾億,陳致中曾經帶佢當時女朋友黃睿靚到呢個金庫內,入邊有部分錢已經發霉,黃睿靚去左兩次,就唔要原來男朋友,決定跟陳致中矣!

開始,國泰世華銀行否認有呢樣嘢,全台灣都冇乜人相信會有咁樣匪夷所思嘅事,陳水扁發動徒眾攻擊邱毅亂up。

但係有個人對於呢件事卻非常焦慮,佢就係阿扁老婆吳淑珍也!

於是,世華銀行地下金庫晚晚燈火通明,工作人員忙於將金庫內現鈔裝箱,吳淑珍急於要將全部銀紙盡快搬空!

其中有七億係搬去元大馬家,呢個與當時紅衫軍上街頭有好大關係,陳水扁對於能否繼續做總統感到不安,佢知道民進黨內有人想推翻佢,加上外面群情洶湧,佢認為自己未必能做滿任期,所以急於要搬走錢。

究竟扁家不義之財有幾多呢?已經查到大約係廿億元左右,元大馬家所藏有七億,匯去瑞士有兩千萬米金(約合七億元),再加上海內外房產價值約為六億,就咁樣已經超過廿億,仲未將金銀珠寶計算在內。

但係錢存在島內仍然唔安全,於是扁家就想盡辦法將錢搬到海外去。

呢段時間扁家在國際上移動金錢舉動,已經引起國際反洗錢組織注意並掌握其來龍去脈,呢個組織將所有證據都送到台灣洗錢防止中心。

而呢個時候台灣洗錢防止中心負責人係葉盛茂,佢就攞左呢批資料去見陳水扁通風報信,阿扁要求葉盛茂將呢單嘢冚埋唔好曝光,扁家則繼續加緊將錢在國際上洗來洗去,希望盡量洗乾淨批錢。

到2008年馬英九當選總統後,瑞士防洗錢組織再次向台北提醒以前曾經所交資料,點解會無聲無息?

馬英九乃下令調查此事,果然發現阿扁洗錢證據,此時阿扁已非總統,冇免罪特權,數罪齊發,鋃鐺入獄矣!

有個疑問,就係2006年9月紅衫軍風頭火勢,點解仍然唔能夠推翻阿扁?

第一,阿扁呢個人貧窮出身,戰鬥意志極強,臉皮又極厚,無輪幾多群眾上街要求佢落台,佢都唔會輕易將權位交出,死都要拖到任滿為止。

第二,阿扁係總統,有免罪責特權,雖然檢察單位已經搵到足夠證據,但係仍然唔能夠起訴阿扁,所以阿扁可以穩坐泰山冇有怕也!

關於扁家貪污被揭發過程已經全部講完!